Հայրիկյանի ընկերոջ կարծիքով, մահափորձը ուղղված էր նաեւ Սերժ Սարգսյանի դեմ

Հայաստանի նախագահի թեկնածու Պարույր Հայրիկյանի վաղեմի ընկեր, խորհրդային տարիների քաղբանտարկյալ Ազատ Արշակյանի գնահատմամբ՝ Հայրիկյանի դեմ կատարված մահափորձը ուղղված էր ոչ միայն նրա, այլ նաեւ Հայաստանի նախագահ Սերժ Սարգսյանի դեմ: «Ազատություն» ռադիոկայանի հետ հարցազրույցում նախկին քաղբանտարկյալն ասաց, որ մահափորձի թիրախը նաեւ Սերժ Սարգսյանն էր՝ բացառելով այն վարկածը, թե կատարվածը կարող է իշխանությունների ձեռքի գործը լինել: