Վրաստանի նախկին վարչապետ, իշխող «Վրացական երազանք» կուսակցության նախագահ Իրակլի Ղարիբաշվիլին հեռանում է քաղաքականությունից։
«Ինձ վստահված պատվավոր առաքելությունն իրականացրել եմ՝ նախ պաշտպանության նախարարի, ապա երկրորդ անգամ վարչապետի, և վերջապես ընտրվելով կուսակցության նախագահ»,- լրագրողների հետ զրույցում պարզաբանել է Ղարիբաշվիլին և նշել է, որ հետագա գործունեությունը կշարունակի մասնավոր հատվածում։
Այլ մանրամասներ Ղարիբաշվիլին չի հայտնել։
Իրակլի Ղարիբաշվիլին 2024-ի փետրվարին էր ընտրվել «Վրացական երազանք»-ի նոր նախագահ։ Նա հունվարին հրաժարական էր տվել վարչապետի պաշտոնից։
