Ֆրանսիան և Գերմանիան անվտանգության ու պաշտպանության համատեղ խորհուրդ են ստեղծում: Կողմերն այդ մասին հայտարարել են այսօր՝ Գերմանիայի նորընտիր կանցլեր Ֆրիդրիխ Մերցի Փարիզ այցի ժամանակ:
«Մենք կստեղծենք ֆրանս-գերմանական պաշտպանության և անվտանգության խորհուրդ, որը կհանդիպի պարբերաբար՝ մեր ընդհանուր ռազմավարական մարտահրավերներին օպերատիվ պատասխաններ տալու համար», - հայտարարել է Ֆրանսիայի նախագահ Էմանյուել Մակրոնը։
Եվրամիության երկու առաջատար պետությունները խորացնում են համագործակցությունը՝ Ուկրաինայի դեմ արդեն երրորդ տարին շարունակվող Ռուսաստանի պատերազմի ու Եվրոպայի նկատմամբ ԱՄՆ հանձնառությունների հարցում խորացող կասկածների ֆոնին։
